|
|
I Ken Something.
By George MacDonald
What gars ye sing sae, birdie,
As gien ye war lord o' the lift?
On breid ye're an unco sma' lairdie,
But in hicht ye've a kingly gift!
A' ye hae to coont yersel rich in
'S a wee mawn o' glory-motes!
The whilk to the throne ye're aye hitchin
Wi a lang tow o' sapphire notes!
Ay, yer sang's the sang o' an angel
For a sinfu' thrapple no meet,
Like the pipes til a heavenly braingel
Whaur they dance their herts intil their feet!
But though ye canna behaud, birdie,
Ye needna gar a'thing wheesht!
I'm noucht but a hirplin herdie,
But I hae a sang i' my breist!
Len' me yer throat to sing throu,
Len' me yer wings to gang hie,
And I'll sing ye a sang a laverock to cow,
And for bliss to gar him dee!
Extra Info:
|
|
Printable Page
Add Your Thoughts on this poem.
This page viewed 369 times.
|
|
